|
|
Banana264 viewsMooz
مُوز
موز یک نیبگ یا میوہ ات - موزے درچکا کُنٹ مان نیست - موز چونایا بلوچستان ء میوہ نہ انت - پرچاکہ موز باز آپ لوٹ ات او بلوچستان ء آپے کمّی انت - بلے مرچی باندا نصیرآباد او حب ء موزے کشار بازیں وڑیا بیت - بلے ایدگہ ھند و دمگاں پہ ورگ ء واستہ لہتیں بُن وتی باگاں کش انت -۔
Aug 18, 2011
|
|
274 views4 Mahing
چار ماہنگ
چار ماہنگ کسانیں بُوٹگے کہ گیشتر ماں کوہاں رودیت - اے گُنبُد نمونہ بیت گونڈیں پُل جنت کسانیں دانگ پر کنت - چونایا اے یک مشروب ء دگہ ملکاں اشیا چوپنت گونڈیں پیکٹان بند کن انت او چو چاہے وڈا نوش ء جان کن انت - بلے چوش کہ بلوچاں تنیگا وت چارماہنگ ء پچّہ نیار انت - ایّوکا کُلّگے نادراہ ء لہڑ داتگیں چارماہنگے یک گلاس دینت - اگاں اشیا ریسرچ بکن انت گڈا باز کارا کئیت -۔
Aug 18, 2011
|
|
Pomegranate253 viewsAnaar
انار
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔Aug 18, 2011
|
|
Balochistan a delicious Date Jadgali266 viewsJadgali ya Misri
جدگالی یا مسری
مکران ھند و دماگاں جدگالی باز جوان پیداک بیت - جدگالی سبزیں پپُک ء چہ بگر تا ناہ ء درست شیرکن تامدار انت - جدگالی ء دانگ دراج انت او رژنا ہ انت - لہتیں ھند ء جدگالی ء مسری گوشنت - Aug 14, 2011
|
|
Ehretia obtusifolia267 viewskasanin liwar
کسانین لیوّار
کسانیں لیوّار بلوچستان ے درچک نہ انت - اے بلے مرچاں بلوچستان لوگانی دیم او باگانی توک ا دست کپیت - او اشیا کسانین زردیں دانگ لپچناک انت بلے گونڈو اشیا پہ شوق سرچن انت او ورانت - بلے اے ھاسیں نیبگے نہ انت -۔Aug 13, 2011
|
|
Capparis Decidua237 viewsKalair
کلیر
ادا کلیر بر انت او پُہتا انت -۔
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
Aug 13, 2011
|
|
598 viewsKadab tap ent
کڈاب تاپ انت
اے باگے دیمی ڈگارے کڈاب اے نیم روتگ او نیم تنیگا مک انت - اے کہ روتگ انت تلانی تہاتاپ کتگ انت کہ ھُشک بہ بنت - اے کڈب وھدے ھُشک بنت گڈا ایشاں بندُک کن انت او کاھدان ء ایر کن انت - زمستاں وھدے کاہ او بوچے تنگی بیت گڈا ہمیشاں چہ کاھدان ء ایر گیج انت و وتی دلوتاں دینت -۔Aug 13, 2011
|
|
Hedgehog 424 viewsDajok
داجوک
داجوک یک کسانیں شیری ساہ دار ے - بلوچستان ء پراہ و شاھگانیں ھند و دمگاں دست کپیت - دجوک چو سیکُن ء وڈین ساہدارے بلے جون او قدے کسان انت - داجوکے پُشتی نیمگ شپکیں کنٹگ انت - وھدے کہ رسترے اگاں آیے شکار کنگ بلوٹ ات گڈا وتی سر او پاداں یک جاہ ملونگ کنت وتارا ڈک کنت - انچو مالوم بیت کہ چپ چاگردا کنٹگ بیت او ہیر بیت گڈا رستر وارت نا کناں - اے شپکیں کُنٹگ آیے امان انت - کسانیں چُک دجوک ء لوہیگے آپاں تہا ایر کن انت - داجوک پوستا درکیت او اوژناگ کنت -۔Aug 10, 2011
|
|
Tribulus terrestris259 viewsKahoor Kah
کہور کاہ
کہور کاہ کسانیں کاہے کہ ریکپادیں ہند و دماگاں رودیت - اے ہم بہار کاہے بلے زمین ء سرا پراہ روت ایشیا دراہیں دلوت چرنت پرچاکہ نرم او نازُرک انت - اے کسانیں زردیں پُل ء پر کنت رندا دانگ پر کنت دانگ سر برا کنٹگ پر کنت وھدے ھُشک بیت گُڈا شُپادا ایشانی سرا ترّگ نہ بیت - چیا کہ دانگ پاداں لگّنت - ایشیے تاک چوُ کہورے تاکے وڈا انت چمیشکا کہور کاہ ء گوشنتAug 10, 2011
|
|
Ridge Gourd - Luffa206 viewsTori
تُری
تُری یک سبزی ء - تری یک سرکپوکیں ولّ ات کہ درچکانی لوگاںی سرا سرکپیت ۰ تری لوش ء وڈیں دانگ پر کنت کہ گیش چہ گیش یک کیلو کساس بنت - گیشتر زمستان ء بر پر کنت - یک گردیں او زردیں پُل ء پر کنت کہ باز ڈولدار انت - Aug 10, 2011
|
|
Fruitless fig Tree242 viewsJenni Injeer
جنّنی انجیر
انجیر او جنّیانجیر ا پرک باز انت - چوشکہ اشیا تاک پچ تر انت اے بر پر نہ کنت - وھدے زمانگاں اشیے دار بوراتگ او ملا ہاں تراشتگ او لکّتگ گونڈوانی گہٹا داتگAug 10, 2011
|
|
Commen Fig (Ficus carica)217 viewsHinjeer
انجیر
یک میوہ ات - انجیرے درچک چہ 3 میٹر بگر تاں 10 میٹر بوت کنت - بلوچستان ء انجیر شخسی باغاں کشتگ بلے پہ بے پارے واستہ انجیر انچو دیما نیتکگ - چونایا گوشنت کہ انجیر اسل ملک یونان انت- بلے کسے گُشت کنت کہ انجیرکان ء انجیر چہ کُجا اتکگاں انجیرکان ہوت آباد او میر آبادے میانی راہ انت کہ کُلبر ء روت - بلے ادا انجیرانی بی ھسابادرچک است انت - او شرّیں او شیرکنیں تام کن انت - ۔Aug 10, 2011
|
|
| 2331 files on 195 page(s) |
 |
|
|
|
|
170 | |
|
|
|
|
