|
|
Baloch woman 246 viewsBaloch Janeen
بلوچ جنین
دگنیائے جنین آزمان ءَ شتگ انت ءُ ماہے سرا روگ ءَ دلمانگ انت بلے بلوچ جنین ایوک ءَ وتی چُل ءَ شتگ انت ءُ انگتہ روانت ۔ انچو سما بیت کہ بلوچ جنین ءَ آکبت نیست ۔ کہ وتی باندات ءَ شر بکنت ۔
|
|
Sammi Deen Baloch246 viewsبلوچ چاگردی ءُ سیاسی پڑا اگاں بلوچ زالبولانی کرد ءُ جہد چارگ بہ بنت گڈا چراھانی تہا یکے بندیگیں ڈاکٹر دین محمدءِ بانکیں جنک سمّی بلوچ انت سمّی ءَ چہ درکسانی ءَھما وھدا کہ آ ئی ءِ آریپیں کماش ڈاکٹر دین محمد بلوچ آوار جنگ بیت ھما وھدا پہ وتی کماش ءُ اے دگہ گاریں بلوچانی درگیجگءِ پانک جتگ روچءِ مروچی ھم دیما جنزان دیما روان انت سمّی بلوچ اے راہءَ بازیں سکّی ءُ سوری دیستگ ءُ برداش کتگ انت بازیں وھدا آ گرگ بند کنگ ھم بوتگ .
سمی دین محمد بلوچ ہما بلوچ زالبوالانی رم ءَ ہوار انت کہ آ مدام پہ بیگواھیں بلوچ فرزنداں توار چست کنگ ءُ آ مدام ریلیانی تہا اولی سرپ ءَ گندگ بیت۔ سمی دین چہ وتی کسانی ءَ وتی بیگواہ ایں پت ءِ شوھاز ءَ برے یک درے ءَ سر جنت ،کدی آمید گساں، برے ریلی ءُ مارچانی بہر بیت ۔ واجہ داکٹر دین محمدءِ بیگواھی ءَ بگر داں روچ مروچی سمی پہ وتی بیگواھیںپت ءِ آجوئی ءِ ھاترا مہکمیں توارے زانگ بیت ۔ داکٹر دین محمد 2009 ءَ آوار جنگ بیت ءُ بیگواہ کنگ بیت ،سمی وتی پس ءِ بیگواھیءِ لہتیں سالاں پد نہ تہنا وتی بیگواھیں پتءِ آواز جوڈ بیت بلکہ پہ ہر بیگواھیںبلوچ پُسّگ ءِ مہکیں توار جوڈ بیت ءُ ہر بیگواھیں مردماں درد ءَ ھوار بیت، پرچہ کہ آ سما کنت کہ ہر بیگواہیں ھاندانانی درد گوں آئی دردءَ چو ناکن ءُ گوشت ءَ ھور تور انت ۔ سمی ہمے رنگ ءَ پہ بیگواھیں بلوچ ءَ توار چست کناں داں وائیس فار بلوچ مسنگ فرسن (VBMP) کہ گلءَ کماش ماما قدیرءِ سربراھیءَ آئیءِ بھر بیت ءُ یک گلے ءِ دروشم ءَ وتی جہد ءَ پہ بیگواھیں بلوچ ءَیکشل ءَ برجم داریت ۔
سمی دین ءَ ملکی ءُ درملکی پلیٹ پارماں بیگواہ ایں بلوچانی رپورٹنگ کتگ ءُ دنیا ءِ دیم ءَ بلوچ نسل کشی ءِ پردہ پاشک کُتگ ،ہمے ڈول ءَ آ 2022 ءَ آصمہ جہانگیر کانفرس ءَ بیگواہ ایں ھاندانانی مسلہءَ دیم ءَ بارت ءُ پہ آہانی رکینگ ءِ ھاترا عملی کارانی سرا گیشتر زور دیان ءَ گُشت کہ ما عملی رنگ ءَ پہ بیگواھیں بلوچاں جہد بکننت۔
سمی دین 2023 ءِ بالاچ مولابخش ءِ ناھکیں کوشے ھلاپ ءَ چست بوھکیں زرمبشت ءِ بھر ہم بیت کہ اے زرمبشت 2023 ءَ یک لانگ مارچے ءِ درشم ءَ تُربَت ءَ بندات بیت ءُ بلوچستان ءِ جتائیں دمگ ءَ روان داں اسلام آباد ءَ سر بیت ءُ ھمے زرمبشتءَ ڈاکٹر مھرنگ بلوچءِ سربراھیءَ بلوچ یکجھتی کمیٹی جوڈ بیت سمی دین پدا بلوچ یکجھتءَ کمیٹی سربراہاں چے یکے بیت داں روشءِ مروچی آ بلوچ یکجھتی کمیٹیءَ گوں ھمگرنچ انت وتی جہدءَ دیما بران اِنت۔
چد ءُ پد 2024 آئی ءَ سْیاسی چست ءُ ایرانی سوب ءَ فرنٹ لائین ڈیپنڑر ایوارڈ ءِ واستہ نامینگ بیت ءُ آ اے دادءَ وتی نامءَ کنت دست اش گیپت
|
|
House sparrow Chick245 viewsJengol e Padd
جنگُل ء پڈّ
جنگل کسانیں بالی مُرگ ء گیشتر انسانانی کش و گواراں وتارا آباد کنت - جنگل بلوچستان ء بانانی جنگلیانی تہا کدو جوڈ کنت و چُک و بر کنت - جندے کسان انت بلے آواز باز بُرز انت اگاں تئِ لوگے کش و گواراں آباد بہ بیت گڈا ترا واب ء نیلیت - اے اکس جنگُل ء پڈّ انت بزان جنگُلے چُرو انت -۔
|
|
Alhagi marorum245 viewsShizz
شز
کسانیں بوٹگ ات - ملک پادیں ھند و دمگ و ڈگارواں رودیت - شزّ ے گونڈیں تاک و تُسکیں کُنٹگ پر ، سُہریں پُل ہم پر کنت - وھدے زمانگا شزّ ھُشتر ء چارینتگ - میر و زرداریں مردماں وتی کاپر چپ و چاگردا شزّ کتگ شزّانی سرا آپ ریتکگ وھدے گواتا کشّ اتگ گڈا کاپرے چیر سارت سارت بوتگ - کاپرے نام شزّانہ بوتگ - اگان مردمیا جرم ء کتگ گڈا مجرم شزّانی سرا جان درا لیٹ داتگ
کُٹّو بانکلینک مئے مُلکا تو میا
مئے مُلک باھوے کہ شزّ او کُنٹگ انت
|
|
Terminalia catappa245 viewsBeddam
بدّام
بدّام یک ٹوہین نیبگی درچک ات - اگاں وشیں او آبادیں جاگہ کشگ بہ بیت گُڈ ا ہژدہ میٹر بُرز بیت اے پتنیں تاک پر کنت بلے زمستان ء تاک چنڈ بیت - اشیے میوہ زرد او سُہر بنت - اشیے پستک ء پروش انت مجگ ء ورنت کہ بادام ء تام کنت ۔ ادا بدّام نوکی پُل انت
|
|
Tamarind245 viewsChichchak
چیچک
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت -۔
بلے بلوچستان ءِ تیاب دپاں چیچک ہر کس وتی لوگے دپاں کش انت ۔ او ھدّا چہ گیش بر بزاں پسل دیئنت ۔ اگاں بلوچستان ءَ تپاب دپاں چیچک ءِ کشت ءُ کشار بکن انت آ بلوچستان ءِ زلورتان پیلہ کُت کناں
|
|
Pallas's Gull245 viewsزری ملیڑ
Zeri Malleed
ملیڑ یا زری ملّیڑ یک درہائی مُرگ ءِ کہ گیشر ماں دریابار ءَ گندگ بیت ۔ اے گیشتر چہ ماہیگاں وتی لاپ ءَ کش انت ۔ وھدیکہ امّل ءَ پرنگ دزگیر کن انت ، گڈا امّل ہمے مرُگاں وتی کاسد کنت ءُ وتی اھوالاں دیم دنت ۔ امل ءِ جییند گوشیت۔ جی زِری ملّیڑاں منی اھوالاں بر ات ۔ ۔ ۔ پر منی ماتیگ ءَ سر کن ات
|
|
Cucumis Prophetarum245 viewsگل گونجُک
Gol Gonjok
گل گونجُک، جنّی چیبیٹ، جنّی پنیرپاد ہمے یکّ ءَ گوش انت۔ اے ول ءِ کہ ھُشکاوگیں ھندو دمگاں رودیت۔ اشیے بر ءَ کُنٹگ پر اے چو کُچلا زھر انت۔ باز ڈولداریں زردیں بر پر کنت ۔
|
|
Cormorant245 viewsKambo
کامبو
کامبو دریاہی مُرگ ء - آ مدام دریا و گورمانی کش و گوراں گندگ بیت - کامبو سیاہ رنگیں مُرگ ء بٹ ء ذاتیں ، بلے سُنٹ ء بارگ انت - بلوچستان ء زر ء ماہیگ او کوراں چہ کورماہیگ و پُگل گیپت و نک جنت - انچو گوشنت کہ وھدے کامبو یک جاہے چہ دومی جاہ ء سپر کنت گڈا وتی پشکپتگیں ناتوانیں ہمراہاں ساری کنت و آ دگہ آہانی پشت ء کتار ء بال بنت تنکہ وتی ہمراہاں گوں سلامتی منزل ء سر بہ بنت
|
|
245 viewsمیہڑ
Mehad
میہڑ ، بزاں میشانی رم ، باز اسپیت پس یک جاہ بنت ایشاں میہڑ گوش انت ۔ بلوچستان چونایا کہچرانی واستہ نامدار بوتگ، ءُ کہچراں دلوتاں چرتگ انت، ، بلوچستان ءِ مستریں کہچر بیلہ ، باھو، ناگ ، بولان ءُ دگہ بازیں جاہ است۔
|
|
Worm 245 viewsکرم
Kerm
اے کرم آپ واریں ڈگاراں بیت ۔ اے کرم گیشتر نمبگاں بیت ، یا ہما جوّاں بیت کہ اودا ذوتاں آپ گوستگ ۔ اے کرم زمیں ٹونگ کنان انت ءُ دیم ءَ کنز ات ۔ بلوچستان کوری ماھیگ ءِ شکار کنگ ءَ اے کرم کارمرز کن انت ۔
|
|
245 viewsکلانچ
Kalanch
کلانچ کسانیں کاہے ، سپیت رنگیں کسانکیں بارگیں تاک پر کنت ، ریکپادیں او ڈگارواں رودیت - اے کاہے چمیشکا دراۃیں دلوت ورنتے - گونڈیں کوسرک پر کنت اُرتیں سہرین دانگ پر کنت - اے بہار ے درگت ء رودیت
|
|
| 2331 files on 195 page(s) |
 |
|
|
|
|
112 | |
|
|
|
|
